Refuerzu d'orientadores, inxerimientu y dotación tecnolóxica centren el nuevo cursu escolar

Educación negociará colos sindicatos l'inxerimientu de les direcciones de les escueles de 0 a 3 nos puestos de difícil cobertura

La Conseyería d’Educación celebró güei una serie de xuntes coles direcciones de los centros públicos y concertaos p’amosar los detalles del nuevu cursu escolar, que centra les principales novedaes nel refuerzu del serviciu d’orientación en cuatro institutos con más de mil estudiantes y en dos centros d’educación especial, la medría d’aules abiertes, y la meyora de dotación tecnolóxica pa equipos directivos y personal alministrativo de los centros públicos.

Amás, sedrá l’añu de la puesta en marcha de la rede pública, autonómica y de baldre de la rede de cero a tres.

La conseyera Lydia Espina, acompañada de tol so equipu, presidió nel Conservatoriu d’Uviéu tres alcuentros siguíos coles direcciones d’Infantil, Primaria y los Centros d’Educación Especial; les de Secundaria, Formación Profesional y el restu d’enseñances; y cola rede concertada.