Entamen los preparativos pal entamu del cursu escolar

Los colexos busquen dar una especial atención al bienestar emocional del alumnáu

Entamen los preparativos pal entamu del cursu escolar, con munches xuntes del profesoráu. Los colexos márquense como oxetivu dar una especial atención al bienestar emocional del alumnáu.

Los más caltienen el númberu d’alumnáu, inclusive en dalgunos centros medra, al respective del cursu pasáu. Los más céntrense n’ufiertar un deprendizaxe onde l’alumnu ye’l protagonista y que consiste en deprender pa saber facer.

Nos últimos años, los centros ven cómo cada vegada más alumnos y alumnes tan interesaos por estudiar tolo venceyao coles nueves tecnoloxíes, por considerar que tienen una mayor salida llaboral, y por eso ufierten esti tipu de ferramientes.

El cursu escolar entama n’Asturies el 10 de setiembre pa Infantil, Primaria, Secundaria y Bachilleratu. Un total de 12.400 docentes abrirán les aules en más de 400 centros asturianos de toles etapes educatives.