L'ex-xefe del Área de Corazón del HUCA defende poner al paciente nel centru de la sanidá

César Morís señala a la Intelixencia Artificial como una gran revolución na medicina

L’ex-xefe del Área de Corazón del HUCA defende poner al paciente nel centru, siguiendo modelos yá afitaos, por exemplu, na sanidá privada. Pide nun tener mieu a los cambeos y señala a la Intelixencia Artificial como una gran revolución na medicina.

César Morís xubilóse, na so carrera pasó per dellos puestos de xestión y tien claro cuál tien que ser l’oxetivu: poner al paciente nel centru, nun falar tanto d’unidaes o servicios sinón d’un procesu. Morís pide nun tener mieu a los cambeos y alerta sobre dellos riesgos.

Morís recuerda que cuando entamaba facíase una anxoplastia caldía y qu’agora son hasta seis y el paciente marcha pa casa al día siguiente. Hai técniques que camudaron y salvaron munches vides. La Intelixencia Artificial ye la revolución.

Morís amiesta, sobre la salú del corazón, que los pacientes meyoraron a esgaya los sos vezos pa cuidase, nun fumar, exerciciu físicu, pero qu’entá queda a esgaya por facer.