L'alcordanza del Padre Galo sigue guiando l'actividá cultural de Cadavéu

Les visites guiaes amuesen una pequeña parte de la pergrán obra de Fernán Corones

Poques vegaes la figura d'unu de los sos vecinos marca tanto la vida cultural d'un pueblu. Ye'l casu de Cadavéu y el Padre Galo. La so casa natal, rehabilitada a finales de los 90 del sieglu pasáu, ye l'epicentru de l'actividá cultural del pueblu.

Les visites guiaes amuesen una pequeña parte de la pergrán obra de Fernán Corones, unu de los mayores estudiosos del asturianu occidental. Parte d'ella, colos orixinales que se caltienen más de 80 años dempués del so fallecimientu. Tamién llama l'atención la recreación de la so habitación.

El cuasi inabarcable llabor del Padre Galo pola cultura y el folclor asturianos ye visible cola fiesta de La Regalina. La fiesta por escelencia de l'asturianía, creada pol sacerdote en 1931, ye güei unu de los símbolos de Cadavéu, axuntando a miles de persones cada últimu domingu d'agostu.

Un pueblu arguyosu de les sos tradiciones y del so principal impulsor.