Les cuidadores de los comedores escolares xixoneses, xestionaos por Serunión, piden formación pedagóxica y en primeros auxilios

Cerca de 300 trabayadores denuncien que'l so llabor nun ta reconocíu

Encárguense de dar les comíes y vixilar el tiempu de patiu, con un contratu de 14:00 a 16:00. La so xera, dicen, implica muncho más qu'enllenar los platos. Tienen qu'iguar conflictos, necesidaes especiales y accidentes. Por ello, piden formación pedagóxica señalen Belén Noega, trabayadora de Serunión nel C.P. El Llano y Susana Casado, presidenta del comité d'empresa de Serunión en Xixón.

Tamién reclamen que la empresa dea formación en primeros auxilios a tol personal.

De cara a los equipos docentes, demanden más comunicación col profesoráu y conviden a les direcciones a que vayan conoceles a principiu de cursu.