El PP nacional sigue de cerca les impugnaciones al Congresu d'Avilés

Una impugnación presentóla un afiliáu y otra la diputada Esther Llamazares que perdió por un votu énte Estefanía Rodríguez

La dirección nacional del PP ta al corriente de les dos impugnaciones al Congresu d’Avilés celebráu’l 22 de xunetu pasáu. Génova y altos cargos nacionales del Partido Popular conocen los fechos y siguen mui de cerca les impugnaciones, ampliaciones y testificales, ente elles les de les dos responsables de mesa.

Una presentóla un afiliáu y otra la diputada Esther Llamazares que perdió por un votu énte Estefanía Rodríguez, actual presidenta del PP avilesín que yá nomó nueva xunta directiva anque nun se resolvieron les impugnaciones. Dase la circunstancia de que dos de les persones que figuren nuna de les impugnaciones formen parte d’esa xunta directiva.

Yá pasó mes y mediu ensin avances significativos na investigación de la Comisión de derechos y garantíes que tien agora cuatro meses y mediu pa decidir si’l congresu tien que volver a celebrase.