El Principáu va tener que pagar con fondos propios la rehabilitación de la residencia mista de Xixón

Va haber 209 nueves places residenciales nel sector priváu "adaptaes al nuevu modelu de cuidaos" a final del exerciciu, asegura Del Arco

La conseyera de Derechos Sociales y Bienestar, Marta del Arco, pidió esti xueves el sofitu de les fuerces parlamentaries pa l'aprobación de los presupuestos autonómicos de 2025 que van incluyir la creación de nueves places de psicólogu pa reforzar los centros d'acoyimientu residencial de menores de l'alministración.

Del Arco respondió en comisión de la Xunta Xeneral a delles entrugues formulaes por PP, Vox y Foro sobro'l modelu d'atención xeriátrica y los menores tutelaos.

Tres la conocencia de la presunta trama d'esplotación sexual de menores tutelaes, una investigación na que s'identificaron a cinco víctimes d'ente 13 y 17 años, la conseyera esplicó que los compromisos adoptaos pol so departamentu fueron "sobradamente cumplíos".