Estrenu de los graos de Deporte y Criminoloxía na Universidá d'Uviéu

Los dos estudios rexistren centenares de solicitúes

La Universidá d'Uviéu estrenó, col nuevu cursu, dos nuevos graos: Ciencies del Deporte, na Facultá de Ciencies de la Educación, y Criminoloxía, na Facultá de Derechu. TPA Noticies entró en dos de les sos primeres clases.

Son parte de los 60 afortunaos que llograron plaza na nueva titulación de Ciencies del Deporte qu'estrena la Universidá d'Uviéu. Tán nuna clase práctica de Psicoloxía del Deporte cola profesora Rebeca Cerezo.

El grau forma parte de les titulaciones de la Facultá de Ciencies de la Educación. Ponelu en marcha supunxo coordinar a departamentos desemeyaos.

Un terciu de los matriculaos son moces. Cuasi toos son residentes n'Asturies. Tienen de mancomún la so afición pol deporte y dellos son deportistes d'altu rendimientu.

Tamién ta d'estrenu la Facultá de Derechu. El nuevu grau de Criminoloxía ufierta amás la opción de la titulación doble de Criminoloxía y Derechu. En total otros 60 alumnos repártense ente dambes. El profesor Benito Aláez preséntase énte los nuevos pupilos.

Nesti casu l'alumnáu ye mayoritariamente femenín

Los dos nuevos graos rexistraron centenares de solicitúes. La nota de corte nos dos casos ta ente'l 11 y el 12