Hereu ve na descarbonización una garantía pal empléu nos sectores estratéxicos

El ministru d'Industria visita les instalaciones de Fertiberia

El ministru d'Industria, Enerxía y Turismu, Jordi Hereu, punxo en valir esti vienres el proyectu de descarbonización entamáu por Fertiberia, yá que se trata d'un procesu de tresformamientu que sirve como garantía d'empléu en sectores estratéxicos.

Hereu visitó les instalaciones de Fertiberia pa conocer en persona'l proyectu de modernización y descarbonización de la compañía, acompañáu, ente otros, pol presidente rexonal, Adrián Barbón, y la delegada del Gobiernu n'Asturies, Adriana Lastra.

El ministru pudo comprobar que la necesaria descarbonización de la industria ye una realidá nuna comunidá como l'asturiana, "que marca'l camín con un 20 por cientu de pesu industrial, que ye lo que queremos pa toa España".