El vixilante de la costera del bonitu abre les sos puertes n'Avilés

El patrulleru, abiertu hasta'l domingu nes xornaes de puertes abiertes

L’Arnomendi, el patrulleru de l’Armada Española, fizo escala n’Avilés y ta atracáu nel cai del Centru Niemeyer. Hasta’l domingu podrá visitase, nes xornaes de puertes abiertes.

Entramos na ponte de gobiernu onde los radares y les cartes electróniques más modernes, conviven coles tradicionales cartes de papel.

Les sos dos llanches y l’helipuertu dexen a esta embarcación, amás de facer los llabores d’inspección y vixilancia pesquera, ayudar a los tripulantes de les embarcaciones.

El patrulleru, construyíu en Pontevedra nel añu 2000, cunta con una dotación de 38 persones. Salió de Ferrol el 2 de setiembre pasáu y acaba de rematar la campaña de vixilancia y inspección de la costera del bonitu.

Dende’l llunes entamará col Plan de Despliegue a comuña otru mes, al empar que sigue con llabores de vixilancia y inspección de buques pesqueros.