La Fundación Síndrome de Dravet va abrir un llaboratoriu propiu

Una cena benéfica en collaboración cola Asociación de Veteranos del Sporting de Xixón

Martina yera un ñácaru cuando sufrió la so primer crisis epiléptica. Duró 90 minutos. Siguieron munches más. El Síndrome de Dravet ye una de les formes más complexes d'epilepsia, con convulsiones allargaes, trestornos nel llinguaxe, movimientu o comportamientu. Per primer vegada, una enfermedá rara va cuntar con un llaboratoriu propiu.

Los estímulos que provoquen les convulsiones puen ser el reflexu del sol n'agua, patrones nes fueyes de los árboles, espirríos. Inclusive una décima percima de los 37 graos de temperatura.

Ye de suma importancia atopar un tratamientu eficaz. D'ehí que tanto personalidaes, por casu, del deporte, como empreses, sofiten la cena benéfica del 4 d'ochobre nel Club de Regates de Xixón, na que tamién va haber sorteos, como'l d'una camiseta roblada de la Selección, o una puya d'arte. Una cena benéfica pa recaldar fondos en collaboración cola Asociación de Veteranos del Sporting de Xixón. Too, pa siguir investigando.

N'Asturies hai diagnosticaes 12 persones con esta enfermedá.

La Fundación anima a toos a collaborar, asistiendo a la cena o con cualquier aportación.