Va haber empreses abondes pa tolos alumnos de la FP Dual

L'alumnáu nun va tener qu'esperar a segundu pa facer práctiques

La nueva FP Dual entama n'Asturies esti llunes con más de 10.400 places. L'alumnáu qu'empiece anguaño nun va tener qu'esperar a segundu pa facer práctiques. Yá nel primer cursu van facer 120 hores. Y, según el Principáu, son munches les empreses interesaes en recibilos.

L'alumnáu de primer cursu de FP, aquellos qu'estrenen la FP Dual dafechu, va tener 120 hores de formación n'empreses ente febreru y marzu. Los del segundu cursu, los de la vieya FP, van faer les práctiques nel tercer trimestre. Como nun se solapen nel tiempu, el Principáu cree que'l volume actual d'empreses collaboradores va ser abondo.

Cola nueva FP, les práctiques van poder faese a les necesidaes de la empresa. Yá nun van tener un periodu inamovible pa facese. Unu de los cambeos que paecen aumentar l'interés pola firma de los convenios.

Entá se desconoz el númberu final de matriculaciones, anque la previsión ye que sigan aumentando. La FP ye la titulación más pidida pa trabayar n'Asturies, con un 38%, frente al 34% de los graos universitarios, según l'últimu informe del grupu Adecco.