Más de 15.000 turistes de negociu

Uviéu, Xixón y Avilés van acoyer 40 congresos 

Acabada la temporada de branu, Asturies concéntrase nel turismu profesional. Uviéu, Xixón y Avilés van celebrar no que queda d'añu alredor de 40 congresos nos que yá hai inscritos más de 15.000 profesionales. Pa los tres conceyos, el turismu de congresos ye estratéxicu.

Un total de 6.000 congresistes inscribiéronse yá pa participar nos últimos congresos del añu que se van celebrar n'Uviéu. Ente los más destacaos, el de la Sociedad Española de Investigación Ósea, con 700 inscritos.

N'Avilés, 5.000 persones inscribiéronse yá nos nueve congresos pendientes, anque esperen llegar a los 10.000.

En Xixón, cunten yá con 3.000 inscritos pa participar nuna ventena de congresos hasta avientu. Destaca'l d'Axentes y corredores de seguros que se va celebrar esti mes.

Toos consideren los congresos como estratéxicos p'atraer visitantes fuera del branu y xenerar riqueza.

Por eso trabayen yá na conquista de nuevos congresos pa los próximos años. Xixón, por casu, cerró pa 2025 un alcuentru internacional de Vespes onde van participar 4.000 persones.