La firma asturiana Auxquimia celebra'l so 50 aniversariu con presencia en 31 países

Auxquimia fabrica espluma escontra quemes qu'esporta a una trentena de países y ta en Mieres

La empresa asturiana Auxquimia, que tien por xera principal la fabricación d’espluma escontra quemes, celebra'l so cincuenta aniversariu con presencia en 31 países y un volume de facturación de 27,4 millones d'euros.

El 90 por cientu de les ventes d'Auxquimia -que forma parte de la multinacional norteamericana Perimeter Solutions y ye una de les firmes asturianes que coticen en Wall Street- son esportaciones.

La crecedera empresarial de la empresa foi unu de les temes que se tocaron esti llunes nel actu de celebración del aniversariu, nel Polígonu Industrial de Baíña en Mieres, que cuntó cola presencia de la conseyera de Transición Ecolóxica, Industria y Desenvolvimientu Económicu, Nieves Roqueñí y l'alcalde de Mieres, Manuel Ángel López.