La estación de Fontes d'Iviernu tará electrificada la temporada d'esquí viniente

La electrificación dexará que'l complexu asturianu gane n'eficiencia enerxética y en competitividá

El xefe del Executivu asturianu, Adrián Barbón, y el presidente de la Diputación Provincial de Lleón, Gerardo Álvarez Courel, roblaron esti miércoles el conveniu que dexará electrificar la Estación Ivernal Fontes d’Iviernu de cara a la temporada d’esquí viniente.

Como avanzare recientemente, el Gobiernu d’Asturies abonará a l’alministración provincial lleonesa daqué más de 1,8 millones col envís de garantizar el suministru eléctricu nes instalaciones ayeranes.

Ello dexará reparar el desembolsu de la Diputación de Lleón pa la construcción del tendíu eléctricu qu’apurre enerxía a la zona d’influencia de la Estación Ivernal de San Isidro.