El Principáu avanza na prohibición de la venta de bébora enerxético a menores de 16

Zapico asegura que la prohibición d'esta bébora ye una demanda compartida de los profesionales de salú, docentes y padres

El conseyeru d'Ordenación del Territoriu, Urbanismu, Vivienda y Derechos Ciudadanos, Ovidio Zapico, treslladó esti miércoles al Ministeriu de Derechos Sociales, Consumu y Axenda 2030 la intención del Principáu d'ellaborar una llei autonómica pa la prohibición de la venta y consumu de bébora enerxético a menores de 16 años.

Nel alcuentru, Zapico adelantó que la previsión del so departamentu ye contratar una asistencia técnica nel primer trimestre del próximu añu pa la redacción d'esta normativa.

"La prohibición d'esta bébora pa menores de 16 años ye una demanda compartida por profesionales de la salú, docentes y padres y madres, que nos treslladaron la so esmolición polos efectos negativos na salú d'esti tipu de bébora y la facilidá d'accesu de los neños y neñes a les mesmes", indicó'l conseyeru.