El Gobiernu asturianu aprueba 2 millones d'euros p'ayudes a modernizar y dinamizar el sector pesqueru

Les ayudes tán dirixíes a conceyos, entidaes privaes y organizaciones ensin ánimu d'arriquecimientu

El Gobiernu del Principáu aprobó una partida de 2 millones d'euros pa financiar acciones que fomenten el relevu xeneracional, la creación d'empléu y l'anovación nel sector pesqueru.

Les ayudes tán dirixíes a conceyos, entidaes privaes y organizaciones ensin ánimu d'arriquecimientu y tán cofinanciaes pola Xunión Europea. Van sofitar proyectos que sirvan pa crear empléu, atraer mozos al sector y tamién l'anovación en toles fases de la cadena de productos pesqueros y d'acuicultura, ente otres acciones.