Webcams
Buscar
Acaben les obres de restauración d'un edificiu que sufría graves goteres y humedá
La ilesia d'A Veiga estrena imaxe. Tres tar delles selmanes zarrada al públicu, acabaron les obres de restauración d'un edificiu que sufría graves goteres y humedá.
El templu tenía mugor, parés agrietaes y goteres. Teníen qu'asitiase cubos pa evitar que l'agua estropiara los retablos, esplica Víctor Cedrón, párrocu d'A Veiga.
Güei la imaxe ye bien distinta. Entramos nuna ilesia nueva tres invertise 140.000 euros, la mayoría de los feligreses. Na primer fase reparóse'l teyáu y agora, tres tar selmanes zarrada al públicu, la ilesia reabre les sos puertes lluciendo perguapa.
El templu, de 1861, foi pintáu con tonos doraos pa contribuyir a la so lluminosidá. La puerta d'entrada ye nueva y delles imáxenes tornaron a los sos llugares orixinales.
Los feligreses tuvieron selmanes ensin poder dir al templu poles obres, pero agora yá puen esfrutar d'un llugar que nada tien que ver col anterior.
Inda queden 8.000 euros por pagar del arreglu, polo que sigue siendo necesaria la collaboración económica.
