Más de 300 persones denuncien les faltes n'atención primaria y hospitalaria nel Caudal

Esixen al Principáu midíes pa reparalo y ufiertar una atención de calidá

Más de 300 persones concentráronse frente al Hospital Álvarez Buylla de Mieres pa denunciar les faltes n’atención primaria y hospitalaria na fastera del Caudal.

Denuncien la falta de profesionales que provoquen retrasos d’hasta una selmana nos centros de salú. Tamién retrasos de más de siete meses en cites y intervenciones quirúrxiques qu’acaben en dalgunos casos en derivaciones a otros centros sanitarios.

Esixen al Principáu midíes pa reparalo y ufiertar una atención de calidá.