Webcams
Buscar
El pueblu tien 74 vecinos y caltienen los sos servicios públicos cola celebración de numberoses sestaferies
La hestoria recién de Rañeces nun s'entendería ensin el matrimoniu de Cesáreo Fernández y Carolina Maraboto. Él, un indianu nacíu nel pueblu qu'emigró a México y que, en casándose y faer fortuna, tornó cola so muyer y promovió la construcción de la escuela, la carretera y les trayíes de lluz y agua apunta Benigno Fernández, vecín de Rañeces.
Rañeces cuenta con 37 cases y 74 vecinos que nuna orografía característica, miren dende lo alto les curves que fai’l ríu Nora. Eses escueles que construyó l'indianu reconvertíes nos años 80 nun Centru Social, testigu de la vida de mancomún de los sos habitantes. Dende equí entámense les avezaes sestaferies. Ocho no que llevamos d'añu asegura José Luis Granda, vecín de Rañeces.
La ganadería, la fábrica de lloza de San Cloyo y la d'armes de Trubia fueron la fonte económica del pueblu. Güei la metá de parroquianos son nacíos equí y, la otra metá, veníos de fuera. Como Toño Marcos.
San Bartuelu, el 24 d'agostu, son les fiestes patronales del pueblu. La Ruta de los Llanceros, que percuerre bona parte de Les Regueres, ye una de les siendes que crucia esti territoriu.
