Solo un barcu asturianu y tres vascos siguen na costera del bonitu, que se da por terminada

La última descarga na rula avilesina foi de 4.000 kilos

Nes rules dase prácticamente por terminada la costera del bonitu. Los bonitos emigraron pal Norte, sobre manera a Irlanda. Según la Rula d’Avilés, na costera namás queden un barcu asturianu y tres vascos.

La última descarga na rula avilesina foi de 4.000 kilos y les pieces fueron de tamañu pequeñu. Esti añu consumióse namás el 50% de la cuota. Hasta la fecha puyáronse 1 millón 400 mil kilos de bonitu.