Empieza'l treslláu de 15 usuarios de la residencia Valle del Sol al centru Ovida d'Uviéu

Les families consideren que la mudanza supón un grave trestornu pa los residentes

Esta mañana empezó'l treslláu de 15 usuarios de la residencia Valle del Sol, de Xixón, al centru Ovida, n'Uviéu.

Güei treslladóse a cinco persones, mañana van ser otres cinco y el miércoles les cinco últimes.

Los propietarios del xeriátricu xixonés denunciaren al ERA por nun paga-yos dende 2021 eses places concertaes.

Les families de los afectaos consideren que la mudanza a Uviéu supón un grave trestornu pa estes persones que, amás, tienen problemes de salú mental.