CCOO condensa les sos principales demandes en dellos ámbitos na campaña 'Vamos Facelo'

El sindicatu quier convertir el Principáu nuna tierra d'oportunidaes

CCOO presentó güei n'Uviéu la campaña 'Vamos Facelo'. Una campaña que condensa les principales propuestes del sindicatu en diferentes ámbitos pa convertir al Principáu, dicen, nuna tierra d’oportunidaes na que la xente nun tenga qu'emigrar por trabayu.

La campaña presentóse cola instalación na plaza de La Escandalera de dellos espeyos col lema de la campaña y un códigu QR que lleva a una páxina na que se pue roblar el manifiestu, y conocer les sos propuestes n'asuntos como igualdá, trabayu, industria o vivienda.