Barbón defende énte'l PP y Vox la so firmeza na defensa de los intereses d'Asturies

"Nosotros dámos-y la fuerza pa que pelee por Asturies y usté, a la puerta de la Moncloa, desínflase" afirma Queipo

El presidente del Principáu, Adrián Barbón, defendió esti miércoles énte PP y Vox la so firmeza na defensa de los intereses d'Asturies énte'l Executivu central y insistió en que nun votará "nada que perxudique la financiación autonómica" de la comunidá.

Barbón respondió esti miércoles nel plenu de la Xunta Xeneral a una entruga fecha pol presidente de los populares asturianos, Álvaro Queipo, sobre les midíes que va adoptar el so gobiernu pa "recuperar la relevancia perdida" énte'l Gobiernu central, y a otra de la portavoz de Vox, Carolina López, sobre les cuestiones qu'esixó y algamó na xunta del vienres pasáu con Pedro Sánchez.

Na so intervención, Queipo criticó'l "silenciu cómplice" de Barbón énte "l'ataque a los sectores productivos" asturianos del Gobiernu central por cuestiones como los costos enerxéticos "inasumibles dafechu" pa la industria electrointensiva o la sobreprotección del llobu, y énte "l'abandonu de les inversiones pendientes" a pesar de la robla unánime de la 'Alianza poles Infraestructures del Estáu qu'Asturies necesita'.