L'asamblea de trabayadores ratifica la fuelga nel acompañamientu del tresporte escolar

La empresa Externa de Servicios xestiona tres de los cuatro lotes nos qu'Educación estrema la llicitación del serviciu

L'asamblea de trabayadores convocada por CCOO ratificó la convocatoria de fuelga nel serviciu d'acompañamientu del tresporte escolar xestionáu pola empresa Externa de Servicios el próximu martes, 8 d'ochobre, informó'l sindicatu.

Esta empresa xestiona tres de los cuatro lotes nos que la Conseyería d'Educación estrema la llicitación del serviciu d'acompañamientu del tresporte escolar, concretamente les árees d'Avilés, Occidente, Cuenques y Xixón-Oriente.

En total son 297 rutes de tresporte y, aproximadamente, el mesmu númberu de trabayadores, yá que na mayoría de les rutes namás hai una acompañante.