La prostitución n'Asturies ta treslladándose de los pisos particulares a los d'usu turísticu

La movilidá de la prostitución torga controlar los accesos y les denuncies

Un total de 1.215 muyeres exercen la prostitución n'Asturies, según les entidaes que trabayen con elles. Ye una cifra similar a la d'otros años, pero nun ye real, porque hai munches más a les que nun puen tener accesu. La pandemia y el zarru de locales fixo que la prostitución se tresllade a pisos particulares, lo que torgó entá más la so visibilidá, tamién pa los cuerpos y fuerces de seguridá.

Y agora constatóse que la prostitución treslládase a los pisos d'usu turísticu, lo qu'aumenta la so movilidá. Fai más difícil controlar los accesos y les denuncies.

Ye unu de los aspeutos que recueye un estudiu encargáu pol Principáu a la Universidá d'Uviéu. Ye un aproximamientu a la realidá de la prostitución n'Asturies, anque va tar lloñe d'una radiografía exacta.

Un informe basáu na intelixencia artificial al traviés del rastrexu d'anuncios en redes sociales y páxina web.

El perfil del estudiu de la Universidá ye'l de muyer, mayoritariamente moza, llatinoamericana y en situación de gran vulnerabilidá. Un estudiu qu'esperen tea llistu n'avientu y que tien un claru oxetivu.