Les empreses y organismu encargaos de cuidar de la seguridá piden más inspecciones

Les empreses Esnova y Energy Green Gas Tinéu, reconocíes pol so compromisu con Asturies

L’Asociación d’Organismos de Control y Afines del Principáu d’Asturies (Asocas) entregó esti xueves el so XIV Premiu a la Seguridá Industrial a la empresa Esnova, especializada nel diseñu y fabricación de sistemes d’almacenamientu, y el V Premiu a la Diversificación Enerxética.

Asocas, lmAsociación d’Organismos de Control y Afines del Principáu d’Asturies, pidió al Principáu más inspecciones. Sobre manera, a les que cuiden del bon funcionamientu y la seguridá nel arranque d’una instalación industrial.

Carmen Calvo, Presidenta d’Asocas, fizo’l pidimientu na decimocuarta edición de los Premios Asocas. La so asociación reconoció l’esfuerzu en seguridá industrial y anovación de la empresa Esnova y a Energy Green Gas Tinéu.

Esnova recibió esti distintivu por poner en marcha un procesu productivu "de polítiques de calidá, seguridá, mediuambiente y meyora de contino na so trayectoria" y pol so "esfuerzu constante por garantizar el cumplimientu normativu en materia de seguridá industrial".

La firma Energy Green Gas Tinéu foi reconocida por impulsar "proyectos trescendentes" p’Asturies, dientro de los procesos de descarbonización de la industria asturiana, que dinamizó l’ala suroccidental del Principáu.

Una ceremonia a la que foi’l presidente de la patronal asturiana de la construcción, Joel García, que nun ocultó la so esmolición polos accidentes nel trabayu.

Asturies, dicen dende Asocas y el Principáu, tien un bon nivel de seguridá industrial, señala Isaac Pola, viceconseyeru d’Industria. A pesar d’ello, recuerden, ye importante nun baxar la guardia.