Les aules de la Escuela Infantil La Florida volverán abrir a principios de payares

Los padres y madres treslladen a la Conceyalía les sos dificultaes pa llevar a los sos fíos a les escuela

Los neños y neñes de la Escuela Infantil de La Florida, n'Uviéu, van poder volver a les aules a principios de payares. Esi ye'l compromisu del Conceyu. Les clases van retomase una vegada que se coloque tela asfáltico nel teyáu pa evitar goteres y filtraciones. Les obres d'arreglu de la cubierta de la escuela, sicasí, van llegar hasta finales de payares.

Dellos padres y madres treslladaron a la Conceyalía les sos dificultaes pa llevar a los sos fíos a les escueles onde'l consistoriu reasitió a los alumnos estos díes. Punxeron sobro la mesa la posibilidá de que'l Conceyu pague una guardería privada nesos casos.

Dende Educación, en principio, nun dieron el preste, anque se comprometieron a estudiar esta posibilidá.