Deteníu un empresariu por esplotar a trabayadores en situación irregular

So la falsa promesa de regularización, los trabayadores taben sometíos a xornaes de más de 12 hores diaries

La Policía Nacional d'Asturies prindó a un home d'orixe marroquín y nacionalidá española como presuntu autor d'un delitu escontra los derechos de los trabayadores por contratar a compatriotes en situación irregular a los que-yos faía trabayar más de dolce hores al día los siete díes de la selmana, en cuenta d’un salariu de 700 euros al mes n'efectivo.

Según informó esti llunes la Xefatura Cimera de Policía, l'home ufiertaba trabayu y regularización de la so situación llaboral a compatriotes que taben en situación irregular n'España, y contratábalos principalmente pa trabayos de valtáu y roza.

La investigación dio empiezu tres la denuncia d'un ciudadanu marroquín en situación irregular, al que'l deteníu prometió-y iguar la so situación llaboral en cuenta de 5.000 euros.