El Grupu Masaveu piensa invertir ente 200 y 400 millones en descarbonizar les sos plantes de cementu

Roqueñí destaca los esfuerzos del cementu y el formigón pa rebaxar les sos emisiones

El Grupu Masaveu piensa invertir ente 200 y 400 millones de euros en descarbonizar les sos plantes de cementu y formigón. El so oxetivu agora ye buscar una tecnoloxía de captura de CO2.

La ruta ta clara, hai que producir cementu y formigón con cero emisiones en 2050, pero entá nun se sabe con qué tecnoloxía. Ye’l retu de la industria cementera qu’afecta al Grupu Masaveu, con dos fábriques de Tudela Veguín n’Asturies y una en Lleón, señala José Carlos Montero, director Comercial de Cementos Tudela Veguín.

Por eses incógnites entá nun se ficieron dellos cambeos como anovar tola flota de tresporte, señala Rufino Cano Castro, Director Técnicu de General de Hormigones S.A.

Sí s’avanzó en reciclaxe d’agua y áridos, aprovechar productos locales y materia prima de proximidá. Necesario tamién nun futuru que les cementeres tengan el so abastecimientu d’enerxía.

La conseyera de Transición Ecolóxica, Industria y Desendolcu Económicu, Nieves Roqueñí, punxo en valir esti martes l’esfuerzu y el compromisu manifestaos pola industria del cementu y el formigón pa rebaxar les emisiones contaminantes y inxertar tecnoloxíes que dexen la mengua de la so güelga de carbonu.