La nueva planta de Villaperi va rebaxar hasta un 45% al añu'l volume de folla

L'impactu ambiental de l'actuación ye una de principales esmoliciones de los vecinos

La nueva planta pa la xestión de folla de la EDAR de Villaperi va dexar rebaxar hasta un 45% al añu'l volume de folla y amenorgar el númberu de camiones necesarios pal so tresporte a Coxersa de 1.200 a 400. El proyectu, amás, va incluyir un estudiu previu pal tratamientu de golores.

L'impactu ambiental de l'actuación ye una de principales esmoliciones de los vecinos de la parroquia, sollertaos por si'l nuevu proyectu pudiera aumentar el problema de ruíos y golores.

La nueva planta va dexar xenerar enerxía, biogás, a partir del tratamientu de la folla. La Conseyería garantizó a los vecinos que l'impactu ambiental tamién va ser mínimu nes otres dos actuaciones proyectaes na EDAR: una estación rexeneradora d'agua pal so usu na industria y la instalación d'una planta d'enerxía fotovoltaico.