Profesionales alderiquen sobre cómo acelerar el diagnósticu precoz del shock, una de les patoloxíes a les que más s'enfrenten

Los espertos consideren clave detectar con rapidez esti trestornu

El shock, una de les patoloxíes prevalentes nos servicios d'urxencies ye'l protagonista d'esta xornada técnica entamada pola filial n'Asturies de la Sociedá Española de Medicina d'Urxencies y que tien un oxetivu mui concretu, asegura Silvia Sánchez, médica y directora de la Primer xornada de Shock Semes Asturies.

Na xornada estudiáronse los distintos tipos de shocks que quieren abordase por aciu d’un protocolu nel que yá se trabaya dende Semes destaca Amaia Ibarra Bolt, médicu y miembru del grupu nacional de Shock Semes España.

Por más que yá esiste la especialidá de medicina d'urxencies, ésta sigue pendiente pa los profesionales d'enfermería. Los técnicos n'emerxencies sanitaries, que tamién participaron nesta xornada, reivindiquen una nueva titulación apunta Alberto Mamés Pendones, vocal autonómicu de Técnicos d'Emerxencies Sanitaries Semes Asturies.

Más de 130 profesionales de toa España participen nesta xornada técnica y científica que se celebró nel Parador de Turismu de Cangues d'Onís.