El consorciu del recintu Luis Adaro incorpora a Caxa Rural como miembru de plenu derechu

L'allugamientu tien proyectáu un plan integral de meyora y modernización de los sos equipamientos

Caxa Rural d'Asturies yá ye miembru de plenu derechu del Consorciu del recintu ferial Luis Adaro tres roblar dafechu una ampliación de capital por 3.497.338 euros, que-y da una participación del 12,8 por cientu na sociedá.

La operación quedó reflexada na escritura pública roblada pola conseyera de Transición Ecolóxica, Industria y Desenvolvimientu Económicu y presidenta del consorciu ferial, Nieves Roqueñí, y pol director xeneral de la cooperativa de creitu, Antonio Romero.

Asina, Caxa Rural d'Asturies va incorporase a la xunta de gobiernu del consorciu, informó l'Executivu rexonal.