Dos mil conductores d'autobús tán llamaos a la fuelga mañana n'Asturies

Carreño reclama al CTA meyores nel serviciu qu'atribuye a un abusu de la concesionaria Alsa

Dos mil conductores d’autobús tán llamaos a la fuelga mañana n’Asturies énte la falta d’alcuerdu sobre les xubilaciones anticipaes. La fuelga afectará al tresporte urbanu de Xixón, Uviéu, Avilés y Mieres y tamién al tresporte interurbanu.

Los servicios mínimos afiten polo menos un viaxe diariu de dir y volver y un máximu del 25% de los servicios nun día llaborable.

Tamos énte una fuelga en tol país, que sigue alantre al nun haber avances na negociación esti fin de selmana.

Carreño reclama al CTA meyores nel serviciu qu’atribuye a un abusu de la concesionaria Alsa

Carreño reclama al Consorciu de Tresportes meyores urxentes nel tresporte públicu del conceyu. L’Ayuntamientu asegura que los vecinos presentaron abondes quexes tanto pol mal estáu de los autobuses, como polos retrasos o les supresiones de servicios ensin avisu, sobre manera los fines de selmana.

Consideren que ye un abusu d’Alsa, la empresa concesionaria.