El 33% de la población diana ente los mayores yá se vacunó del gripe n'Asturies

El picu de gripe espérase pa entamos d'avientu

El 33% de la población diana ente los mayores yá se vacunó del gripe n’Asturies, tambén el 21% de los menores de 5 años. Ente los ñácaros, el 99% punxeron la protección escontra’l virus sinticial.

Nuna entrevista en TPA Noticies Matinal, la subdirectora de Coordinación Asistencial del Sespa, Marta Huerta, destacó qu’en tres selmanes fízose yá la metá de lo algamao en tola campaña del añu pasáu.

El gripe ta entamando a circular, detectóse una aceleración del gripe B, señaló Mario Margolles, xefe de vixilancia epidemiolóxica del Principáu.

Nun se ve nada de COVID-19, que tien una lletalidá mayor que’l gripe. Nun hai agora pero llegará, señalen los espertos, y por eso hai que vacunase.

Recuerden Huerta y Margolles qu’hai centros de salú abiertos peles tardes pa poner les vacunes a los neños y facilitar la conciliación llaboral.