Solidaridá con Valencia dende L'Argañosa

El campeón del mundu de Tai Chi, Raúl López va mañana en furgoneta dende Uviéu a Valencia con ropa, comida o pañales

Raúl López, xerente del ximnasiu Tartiere Sport, marcha mañana a Valencia en furgoneta. Va llevar ropa, comida, productos de llimpieza, tolo que puea ser útil o necesario p'ayudar a les víctimes.

Campeón del mundu de Tai chi, nun ye la primer vegada que Raúl demuestra'l so llau más solidariu, y agora nesti viaxe a Valencia cunta col sofitu de tol barriu, onde tien el so ximnasiu, L’Argañosa.

Porque son munchos los comercios y vecinos de la zona que quixeron donar señalen Mari Luz González, Eva Alonso, Julen Álvarez y Icíar Veleda, vecinos de L’Argañosa. Amás de Laura San Martín, de la Peluquería UrbanL&A y Rocío Tornavaca, del Café Chigre Parque del Oeste. Que con otros graninos, diz Raúl, formen un desiertu solidariu.