Los puntos llimpios xestionaos por Cogersa unifiquen el so horariu en tolos conceyos

Los cambeos nun afecten a los cuatro puntos llimpios de Xixón

Los puntos llimpios de Cogersa camuden d'horariu dende güei. La ventena d'instalaciones atendíes por personal del consorciu unifiquen les sos hores d'apertura. L'horariu de martes a vienres va ser de 10:00 a 14:00, pela mañana; y de 15:00 a 19:00, pela tarde. Los sábados, tolos puntos llimpios van tar disponibles de 09:00 a 15:00.

Nos conceyos de Nava, Piloña, Ribedeva, Salas, Tinéu y Villaviciosa esti serviciu funciona trés díes a la selmana: martes, vienres y sábadu. En Carreño, Castropol, Grau, Llanes, Murios del Nalón, Samartín del Rei Aurelio y Siero atender al públicu tolos díes de martes a sábadu.

Hai otros puntos llimpios a los que nun afecten estos cambeos, como los cuatro qu'hai en Xixón, porque tán xestionaos pol Conceyu.