Les estaciones d'esquí ponen a la venta los abonos pa la temporada viniente

El preciu del abonu de temporada a comuña caltiénse en 268 euros

Yá se puen sacar los abonos de les estaciones d’esquí asturianes pa la temporada viniente.

Fontes d’Iviernu y Valgrande Payares habilitáronlu esta mañana nes sos páxines web. Les tarifes tarán conxelaes per cuartu añu siguíu. El preciu del abonu de temporada a comuña caltiénse en 268 euros. Tamién s’ufierta l’abonu 4 díes, 4 estaciones. Dexa utilizar les instalaciones asturianes y les dos lleoneses de La Raya y Brañas.

El costu sedrá de 55 euros pa menores y 70 p’adultos. Enagora, la Conseyería de Deporte nun desveló la fecha oficial d’entamu de temporada, anque la previsión ye que seya na ponte d’avientu si hai ñeve suficiente.