L'IPLA investiga cómo potenciar los efectos de la lleche materno donao

La nueva sede de La Corredoria va tar a plenu rendimientu en xineru

L'Institutu de Productos Lácteos investiga cómo optimizar los beneficios de la lleche materno donao. Tán en metá d'un proyectu que piensen que, nun futuru, la lleche que reciben los neonatos nos hospitales seya lo que meyor s'adapte a ellos y sobre manera, a la so microbiota. Analizaron yá un centenar d'amueses.

Pasaron 48 hores y los últimos cultivos tán llistos pa ser procesaos nel llaboratoriu. La base ye lleche materno donao y escrementos de ñácaros prematuros de Cabueñes y del HUCA.

Asina, busquen personalizar l'alimentación de los neonatos, de manera tala que nun reciban la primer lleche qu'haya disponible sinón aquello que meyor s'adapte a la so microbiota, a la so maquinaria intestinal.

El proyectu ta nel so ecuador y, pel momentu, reclutaron lleche y amueses de microbiota de 40 madres donantes y ñácaros prematuros.

En dos años van tener les resultancies definitives.

L’IPLA treslládase a la so nueva sede en La Corredoria, que va tar a plenu rendimientu en xineru

Ye unu de los 20 proyectos que desenvuelve agora l'Institutu de Productos Lácteos. L’IPLA acaba de cambiar de Villaviciosa a la so nueva sede, en La Corredoria. Esperen tar a plenu rendimientu en xineru.

L'aspiración del centru ye medrar d'equí p'alantre. En Villaviciosa teníen 1.000 metros cuadraos, equí son 5.000 y si ellí había ocho llaboratorios agora pasen a tener una ventena.

Tamién esperen que surdan más contratos con empreses privaes. El CSIC invirtió nesti equipamientu ocho millones d'euros.