Webcams
Buscar
Axudicaes les obres de les pasareles que xunirán l'HUCA col futuru intercamudador
El proyectu busca amenorgar la contaminación y el ruíu, y meyorar la movilidá peatonal
La Conseyería de Fomentu, Cooperación Local y Prevención d’Incendios axudicó por 2.585.229 euros les obres de construcción de tapices rodantes nel entornu del Hospital Universitariu Central d’Asturies (HUCA).
El proyectu busca amenorgar la contaminación y el ruíu nel recintu hospitalariu y meyorar la movilidá peatonal, porque estes pasareles conectarán el futuru intercamudador de tresporte cola esplanada del edificiu de consultes esternes.
Según informó esti martes el Gobiernu del Principáu, la empresa axudicataria foi Obras Generales del Norte y el plazu de fechura previstu ye de 12 meses.
El proyectu inxerta la construcción de dos tramos de 35 metros de llargu caún, formaos por cuatro tapices rodantes, dos de xubida y dos de baxada.
Tendrán capacidá pa soportar a 6.000 persones cada hora y moveránse a una velocidá de 0,5 metros per segundu.
