La Fiscalía pide cárcel pa cuatro persones que-y dieron una paliza a un home esti domingu n'Uviéu

L'agredíu recriminó-yos que fueren circulando con patinos en llinia pela cera

La Fiscalía solicita cuatro años de prisión pa caúna de les cuatro persones, dos homes y dos muyeres, acusaes de da-y una paliza a un home na madrugada del domingu pasáu n’Uviéu.

L’agredíu recriminó-yos que fueren circulando con patinos en llinia pela cera de la cai Matemático Pedrayes y discutió con ellos.

Los acusaos entamaron a pega-y pataes y puñetazos y una de les muyeres pegó-y con un patín en llinia, que tien una barra de fierro.

La víctima sufrió un traumatismu craneoencefálicu y delles mancadures que necesitaron 18 puntos de sutura.