La UTE encargada de l'ampliación del cai d'Avilés amuesa'l so interés pol material del argayu

Búscase un alcuerdu pa recoyer el material a menor costu

Según pudo saber TPA Noticies, la UTE encargada de l’ampliación del cai d’Avilés yá amosó’l so interés por facese coles tonelaes de piedra del argayu d’El Güerna.

Pa rellenar el cai necesítense unos 200.000 metros cúbicos d’arena, vinientes de dos canteres asturianes, Doriga y Cárcava, asitiaes a unos 40 kilómetros del cai avilesín.

Traer la piedra d’El Güerna duplicaría la distancia. Poro, búscase un alcuerdu pa recoyer el material a menor costu.

De momentu la piedra y pizarra del argayu ta depositándose daqué más p’abaxo, a l’altura del antiguu peaxe.