Prisión provisional pa un home prindáu por agredir sexualmente a la so ñeta n'Asturies

Los fechos denunciaos fueron dende'l mes de marzu y delles vegaes

El Xulgáu d’Instrucción númberu 3 de Mieres acordó l’ingresu en prisión, provisional y ensin fianza d’un home de 76 años prindáu como presuntu autor d’una agresión sexual a la so ñeta, de 15 años, informó esti martes la Fiscalía del Principáu d’Asturies.

Los fechos que s’atribuyen al prindáu fueron en feches non determinaes, pero en tou cau dende’l mes de marzu d’esti añu y delles vegaes.

El Ministeriu Fiscal solicitó la midida cautelar al considerar qu’hai indicios suficientes de l’autoría de los fechos pol prindáu, y por mor de la gravedá de los fechos y lo elevao de la pena que, en casu de condena, podría imponése-y al presuntu agresor.

El Xulgáu atendió al pidimientu de la Fiscalía, que consideró que "una midida cautelar menos gravosa nun garantizaría la integridá de la menor d’edá".