Un sistema de financiación alternativu a los préstamos bancarios pa les empreses asturianes

Asturias Crecimiento naz de la concertación social cola xestión de Renta4 y EBN Banco

Les pequeñes empresss asturianes podrán cuntar dende agora con un sistema de financiación alternativu a los préstamos bancarios. Ye’l fondu d’inversión Asturias Crecimiento.

Una llinia de préstamos qu’emitirá bonos pa captar l’aforru de los inversores asturianos. Con ello podrán financiase les pymes, nuevos proyectos de les empreses asturianes y les inversiones n’Asturies d’empreses de fuera.

El fondu naz del alcuerdu de concertación social, tien el sofitu d’Asturgar y arranca col envís de captar 10 millones d’euros.

Agora queda abiertu a los aforradores asturianos. Renta4 y EBN Banco encargaránse de la so xestión y comercialización.