Circulación fluyida y ensin incidencies n'El Puertu Payares dempués de 12 hores de pieslle a camiones

Una trentena de camiones tuvieron embolsaos nel aparcaderu de Vil.layana

El Puertu Payares (N-630), ente Asturies y Lleón, foi reabiertu a primer hora d’esti miércoles al tráficu de camiones dempués de 12 hores de pieslle por mor de la ñeve.

La vía, que se convirtió na principal conexón ente Asturies y La Meseta dempués del corte total de l’AP-66 dende’l domingu pasáu por mor d’un argayu escomanáu de tierra y piedra, foi reabierta a vehículos pesaos a les 7:30.

Según informó la Delegación del Gobiernu n’Asturies, yá dexó de ñevar y la carretera ta despeyada, anque nun se pue circular a más de 80 kilómetros per hora.