El Parque Isabel la Católica, oxetu d'estudiu pa evaluar l'estáu de salú del so arboláu

El diagnósticu de los árboles va sirvir pa planiar intervenciones y sustituciones

El Parque Isabel la Católica ta siendo oxetu d'estudiu pa evaluar l'estáu de salú del so arboláu y prevenir riesgos pa la ciudadanía. Dos ferramientes dexen facer un diagnósticu detalláu de los árboles, lo que va sirvir pa planiar intervenciones y sustituciones a mediu y llargu plazu.

Primero faise un esame visual pa detectar posibles defectos en dalgunos de los exemplares singulares y de mayor edá de los 1.500 árboles qu’hai nel Parque Isabel la Católica.

L'análisis faise por aciu del resistógrafu, que crucia l'árbol y, cuanto mayor ye la resistencia qu'ufierta, mayor ye la calidá de la madera. Amás, úsase'l tomógrafu, qu'emplega soníos p'apurrir datos detallaos y una imaxe completa del tueru o inclusive un sensor pa midir los raigaños.

Estes ferramientes dexen evaluar l'estáu del árbol y planiar les intervenciones necesaries pal so caltenimientu y pa la seguridá de los viandantes.

Los estudios tán en procesu d'escoyeta de datos con un presupuestu de 15.000 euros.

Dende Mediu Ambiente esperen que'l próximu mes se presente l'informe técnicu de los árboles analizaos.