Les ocho árees sanitaries van tener equipos pa meyorar la prescripción d'antibióticos

Salú entama mañana les III Xornaes d'Usu Prudente d'Antibióticos

La Conseyería de Salú va estender los equipos encargaos del usu afayadizu de los antibióticos a toles árees sanitaries p'ameyorar la prescripción y la eficacia de los tratamientos, iniciativa que quier tener acabada'l próximu añu.

Estos grupos yá tán allugaos en tolos hospitales públicos y na rede de primaria de les zones d'Uviéu, Xixón y Llangréu, informa la Conseyería de Salú.

Los equipos que xestionen los programes d’optimización del usu d’antimicrobianos (PROA) n'atención primaria trabayen pa perfeccionar la prescripción d'estos fármacos y vixilen l'apaición de resistencies o efectos adversos, col envís d'ameyorar el pronósticu de los pacientes que los usen.