El PP pide que se solucione yá la falta de médicos nel centru de salú d'El Cristo

Salú amosó "despreciu" a los vecinos del barriu uvieín que nun algamaron entá rempuesta del SESPA, afirma Pilar Fernández Pardo

La portavoz de Sanidá del PP na Xunta Xeneral del Principáu, Pilar Fernández Pardo, aseguró esti miércoles que la Conseyería de Salú incurre en “dexación de funciones” énte la falta de facultativos nel centru de salú d’El Cristo, n’Uviéu, una situación que, según la diputada popular, esixe rempuestes yá.

Según Fernández Pardo, Salud amosó tamién “despreciu” a los vecinos del barriu uvieín que nun algamó entá rempuesta del Serviciu de Salú del Principáu d’Asturies (SESPA) dempués de que rexistraren unes 2.500 robles va cuasi un añu pa reclamar meyores nel so centru de salú.

Nel centru de salú d’El Cristo "siguen faltando profesionales" y les mas de les vegaes nun cunta colos diez profesionales d’Atención Primaria que tien asignaos, según la parllamentaria del PP, que mañana pidirá esplicaciones sobre esti asuntu na Comisión de Salú na Xunta Xeneral del Principáu.

“Volvemos a reivindicar mayores dotaciones de personal y medios pal centru de salú d’El Cristo, que constituye un exemplu más de la mala xestión sanitaria n’Asturies”, señaló Fernández Junto nunes declaraciones feches xunto a Marcelino Pérez, representante vecinal de l’asociación de vecinos d’El Cristo.