Los estudiantes de Mieres planteguen les sos demandes nel plenu especial del Día Mundial de la Infancia

Nel plenu participaron estudiantes d'ocho centros educativos del conceyu

El plenu de Mieres cuntó esta mañana con nueva alcaldesa y conceyales. Son estudiantes de 8 centros educativos del conceyu, que protagonizaron el tradicional plenu infantil por mor del Día Mundial de la Infancia.

Nes sos ponencies, traslladaron pidimientos a desendolcar como clubs de llectura, espacios d’ociu techaos o un área de calistenia. Tamién reivindicaron meyores en bancos o árees recreatives cerca de los sos colexos.