CSIF y Suatea piden a Educación que pare los cambeos nel calendariu de les escueles infantiles

Suatea refuga amestar tres díes non llectivos y acusa a la Conseyería d'engañar a les directores

Los sindicatos CSIF y Suatea piden a Educación que pare darréu los cambeos nel calendariu de les escueles infantiles.

Suatea refuga amestar tres díes non llectivos y acusa a la Conseyería d’engañar a les directores de la rede d’escueles infantiles sobre’l calendariu de los centros. Amás, critica que se-yos convoque a una xunta con menos 48 hores d’antelación y ensin que se dean más detalles que l’asuntu a tratar.

CSIF, per parte de so, pide a Lydia Espina que si quier aplicar un calendariu que lu negocie pal cursu viniente y retire darréu l’impuestu pal exerciciu actual.